Fotogalereya: Dunyoning go‘zal va mashhur birinchi xonimlari
Prezident yoki monarxning xotini bo‘lish oson ish emas. Chunki ular doimo omma e’tiborida, xalq nazarida bo‘ladi. Qirolicha degan nomga haqiqatdan munosib bo‘lish esa ayollardan bir muncha qurbonliklarni talab qiladi. Chunki har doim go‘zallik timsoli va mamlakat ayollariga namuna bo‘lish oson ish emas.
AdMe ana shunday dunyoning go‘zal va mashhur birinchi xonimlarining suratlarini jamlab taqdim etdi.
Kanadaning birinchi xonimi Sofi Greguar turmush o‘rtog‘i, hukumat rahbari Jastin Tryudo bilan maktabda o‘qib yurgan kezlari tanishgan. Yillar o‘tib, Jastin va Sofi yana xayriya balida uchrashib qolgan. Bir necha yil o‘tgach, ular turmush qurdi. Ayni vaqtda ularning 3 nafar farzandi bor. Sofi 3 tilda ravon so‘zlasha oladi, bir nechta musiqa asboblarini chala oladi. Shuningdek, u yoga bo‘yicha o‘qituvchidir.
Argentinaning birinchi xonimi asli argentinalik emas. Bu yerga uning ota-onasi Yaqin Sharqdan ko‘chib kelgan. Ayni paytda mamalakatdagi muvaffaqiyatli tikuvchilik kompaniyasining asoschisidir. Ular Parij va Nyu-Yorkdagi moda ko‘rgazmalarida ham ishtirok etgan. Ko‘pchilik uni yuqori did sohibasi sifatida tan olgan. Jumladan, ispan tilidagi eng mashhur nashrlardan biri “Hola” Xuliana Avadani dunyodagi eng munosib birinchi xonim, deb e’tirof etgan.
Braziliya prezidenti rafiqasining maxsus kunlarga kiyadigan liboslari mamlakatning eng yaxshi stilistlaridan biri Mari Lafayett tomonidan yaratilgan. Birinchi xonim ushbu ko‘ylaklarni va to‘y libosini xayriya kimoshdi savdosida sotishni rejalashtirmoqda. Bundan tashqari, Mishel de Paula eshitishda muammosi bo‘lgan odamlar uchun ko‘plab xayriya tadbirlarini ham o‘tkazadi.
Paragvay prezidenti Mario Abdo Benitez Sordamas Lopez Moreyraning ilk muhabbati bo‘lgan. Ular tanishgan paytda qirolicha atigi 14 yoshda edi.
Puerto-Rikoning birinchi xonimi siyosatchining rafiqasi bo‘lishdan ancha oldin xayriya va san’atga juda qiziqqan. Talaba sifatida u muhtoj bo‘lganlar uchun mablag‘ to‘plash bo‘yicha bir nechta tashabbuslarni amalga oshirgan. Puerto-Riko gubernatoriga turmushga chiqqandan so‘ng, u uysiz hayvonlarga yordam berish va ayollar huquqlari uchun kurashishga katta e’tibor berishni boshlagan. Uning xizmatlari orol tashqarisida tan olinib, 2019-yilda u Butunjahon ayollar sammitida ham nutq so‘zlagan.
Letisiya Ortiz Rokasolano ispaniyalik jurnalistlar oilasida tug‘ilgan va otasining izidan borishga qaror qilgan. O‘qishni tugatgach, u ispan CNN va boshqa mahalliy kanallarda ishlagan. 28 yoshida u eng yaxshi yosh ispan jurnalisti mukofotiga sazovor bo‘lgan. Ispaniya taxtining vorisi, Asturias shahzodasi Felipe bilan turmush qurgandan so‘ng, karyerasini to‘xtatgan. 2014-yilda Ispaniya qiroli Xuan Karlos I iste’foga chiqib, uni o‘g‘li Felipega topshirdi. Shunday qilib, Letisiya Ispaniya tarixida oliy tabaqaga mansub bo‘lmagan birinchi malikaga aylangan. Ayni paytda u farzandlari Leonor va Sofiyani tarbiyalamoqda.
Suriya prezidenti Bashar al-Asadning rafiqasi Asma al-Asad Londondagi muhojirlar oilasida tug‘ilib o‘sgan. U Angliyaning eng qadimgi universitetlaridan birida tahsil olgan. Yosh Asma o‘z sohasida erta muvaffaqiyat qozondi, Bashar Asad bilan tanishish esa keyingi faoliyatini o‘zgartirib yubordi. Uchrashuvdan bir necha oy o‘tgach, Asma va Bashar turmush qurgan. U 4 yil ichida 3 ta farzandni dunyoga keltirgan.
Asma al-Asad Britaniya fuqarosi, hozir u yerda ota-onasi istiqomat qilmoqda. Ammo Asma Suriyada davom etayotgan fuqarolik urushiga hamda 2018-yilda unga saraton kasalligi tashxisi qo‘yilganiga qaramay, Damashqda eri bilan yashab kelmoqda.
Qizil sochli go‘zal Salmaga qarab, uning asl kelib chiqishi haqida gapirish qiyin. Marokashning hozirgi birinchi xonimi arablar oilasida tug‘ilgan. Marokash qirolining rafiqasi Lalla Salma saraton fondini boshqaradi. Butunjahon sog‘liqni saqlash tashkiloti ushbu faoliyati uchun malikani yaxshi niyat elchisi etib tayinladi.
