3-noyarda model Kendall Jenner 24-yoshni qarshiladi. Tug‘ilgan kun sohibasining hayoti va karyerasiga oid qiziqarli fakt va ijtimoiy tarmoqdagi eng ko‘p like yiqqan fotolar bilan bo‘lishamiz.

Foto: Instagram

1. Kendall Jenner 1995-yil 3-noyabrda, Los-Anjelosda tug‘ilgan. Otasi sobiq Olimpiya chempioni Bryus Jenner, onasi Kris Jenner.

Foto: Instagram

2. Kendallning moda olamidagi debyuti 14 yoshida bo‘lgan va u Forever 21 brendi reklamasi uchun suratga tushgan. Erta mashhurlikka erishgan model bugunga qadar Givenchy, Marc Jacobs, Balmain, Chanel, Versace, Celvin Clein, Valentino va boshqa taniqli brendlar bilan hamkorlikda ishlagan.

Foto: Instagram

3. Hozirda uning Instagram sahifasida 117 million kuzatuvchi bor. Bundan tashqari, Kendall Forbes nashrining 2018-yilda eng katta haq to‘lanadigan modellar reytingida yetakchilik qilgan. Ma’lumotga ko‘ra, unga 1 yil ichida 22,5 million dollar to‘langan.

Foto: Instagram

4. Kendallning bo‘yi 1,78 sm va u oila a’zolari orasida eng novchasi. Bo‘yi va qaddi-qomatining idealligidan yaqinlari uni “podium uchun dunyoga kelgan” deyishadi.

Foto: Instagram

5. Nozik did sohibasining yoshligida qizlardan ko‘ra o‘g‘il bolalar bilan yaxshi chiqishgani va o‘g‘il bolacha uslubda kiyinganiga ishonish qiyin bo‘lsa-da bu ayni haqiqat. Hozir esa model go‘zallik va did borasida opalari tanlovidan ilhomlanishini ta’kidlaydi.

Foto: Instagram

6. Kendall nafaqat tashqi ko‘rinishi balki, ezgu amallari bilan ham muxlislar hurmatiga sazovor. U xayriyalarda faol qatnashadi. Xususan, bolalar shifoxonasi uchun o‘tkaziladigan loyihalarda ishtirok etishni kanda qilmaydi.

Foto: Instagram

7. Odri Xepbyorn modelning sevimli aktrisasi. U Odri ishtirokidagi filmlarni tomosha qilishni yaxshi ko‘radi va imkon bo‘lsa aktrisa rolini bajonidil o‘ynaydi. 2019-yilda Tiffany brendining yuzi bo‘lishga bergan roziligini ham Odri ishtirokidagi “Tiffanyda nonushta” filmi sabab deb biladi.

Foto: Instagram

8. Kendall faoliyati davomida turli safarlar ko‘p bo‘lishiga qaramay, samolyotda uchishdan qo‘rqadi va aeroportga borishi bilan vahimaga tusha boshlaydi.

Foto: Instagram

9. U o‘zini xursand qilishni, kayfiyatini ko‘tarish uchun sovg‘alar xarid qilishni xush ko‘radi. Ayniqsa, brilliantlarni yaxshi ko‘radi va uni qizlarning eng yaxshi do‘sti deb hisoblaydi.

Foto: Instagram

10. Uning klassik mashinalar kolleksiyasi bor. Kolleksiyadan Eldorado Biarritz mashinasi ham o‘rin olgan. Shuningdek, model Instagram sahifasida Lamborghini, Ferrari, Range Rover, Rolls-Royce avtomashinalari bilan birga tushgan suratlarini ham bo‘lishib boradi.

Foto: Instagram

11. Kendall yoga bilan shug‘ullanadi. U nafaqat jismonan tetik balki, tashqi va ichki garmonyada bo‘lish, o‘ziga bo‘lgan ishonch yuqori bo‘lishi uchun ham sog‘liqqa e‘tiborli bo‘lish kerak, deb hisoblaydi.

Foto: Instagram

12. U nafaqat suratga tushishni balki suratga olishni ham yaxshi ko‘radi.

Foto: Instagram