Xitoy Amerikaning Gonkongga harbiy kemalar va samolyotlari kelishi to‘g‘risidagi so‘rovini ko‘rib chiqishni to‘xtatadi. Bu haqda XXR tashqi ishlar vazirligi rasmiy vakili Xua Chuninning so‘zlariga asoslanib “Interfaks” xabar berdi.
Pekin, shuningdek, AQShning qator nohukumat tashkilotlari, jumladan, Human Rights Watch, NDI va Freedom House tashkilotlariga nisbatan sanksiya kiritadi.
Bu choralar Vashingtonning Gonkong bo‘yicha qabul qilgan qonuniga javob bo‘ladi.
“Bu qachon tugashi AQShning keyingi qadamlariga bog‘liq”, — deydi diplomat.
Xua Chuninning ta’kidlashicha, AQSh Xitoyning ichki ishlariga aralashishni to‘xtatishi kerak, Pekin o‘z suverenitetini himoya qilish uchun boshqa choralar ko‘rishi mumkin.
Avvalroq Amerika prezidenti Donald Tramp Gonkong to‘g‘risidagi inson huquqlari va demokratiyani himoya qilish qonunini imzolagan edi.
Izoh (0)