AQShda 53 nafar bola grippdan vafot etdi. Ulardan 16 nafari yanvar oyining so‘nggi haftasida hayotdan ko‘z yumgan. Bu haqda “Korrespondent.net” xabar bermoqda.
Kasalliklar profilaktikasi va nazorati markazlarining haftalik hisobotiga ko‘ra, AQShda gripp epidemiyasi tufayli kasalxonalar bemorlar bilan to‘lib ketgan. Bu so‘nggi 10 yil ichidagi eng katta ko‘rsatkich hisoblanadi.
Kasalxonaga yotqizilganlarning aksariyati 65 va undan katta yoshlilar. Shuningdek, 50—65 yoshlilar hamda 5 yoshgacha bo‘lgan bolalar ham ko‘p.
Gripp epidemiyasi 42 ta shtatda qayd etilgan. Bemorlar pnevmoniya va gripp asoratlaridan vafot etmoqda.
Izoh (0)