Turkiya politsiyasi Suriya shimolidagi harbiy operatsiyani oshkora tanqid qilgan 573 kishini qo‘lga oldi. Bu haqda mamlakat ichki ishlar vazirligi ma’lum qildi, deya xabar beradi “Interfaks”.
“Afrinda ‘Zaytun novdasi’ operatsiyasi boshlanganidan beri 449 kishi ijtimoiy tarmoqlarda terrorchilik targ‘ibotini tarqatgani uchun qo‘lga olindi. Yana 124 kishi namoyishlarda ishtirok etgani uchun ushlandi”, — deyiladi xabarda.
Eslatib o‘tamiz, Turkiya bosh shtabiga ko‘ra, Suriyada harbiy operatsiya boshlanganidan beri qurbon bo‘lgan turk harbiylari soni 14 kishiga yetdi.
Izoh (0)