Rossiya prezidenti Vladimir Putin Qirg‘izistonning 240 million dollar miqdoridagi qarzini kechish bo‘yicha hukumatlararo kelishuv protokoli ratifikatsiyasini tasdiqladi. Bu haqda “Vedomosti” xabar bermoqda.
Mazkur protokol Qirg‘iziston prezidenti Almazbek Atambayevning 2017-yil iyunda Moskvaga tashrifi davomida imzolangandi.
Qirg‘izistonning 488,9 million dollar miqdoridagi qarzi 2009-yildagi kelishuv asosida taqdim etilgan kredit tufayli paydo bo‘lgandi. 2013-yil mayida Rossiya 188,9 million dollar qarzning bahridan o‘tdi, qolgan summa 10 yil davomida, har yili 30 million dollardan kechilishi ko‘zda tutilgandi.
Keyinchalik Qirg‘iziston qoldiq summani bir yo‘la kechish to‘g‘risidagi iltimos bilan murojaat qildi.
Izoh (0)