Suriya hukumatining ma’lum qilishicha, qochoqlar va o‘z uylarini tashlab chiqishga majbur bo‘lgan odamlar uchun mamlakat hududida rasmiy Damashq bilan kelishmagan holda xavfsizlik zonalarini tashkil etishga har qanday urinish Suriya suverenitetining buzilishi hisoblanadi.
Bu haqda, “Gazeta.ru”ning xabar berishicha, Suriya tashqi ishlar vaziri Volid al-Muallim BMTning qochoqlar ishi bo‘yicha oliy komissari Filippo Grandi va uning delegatsiyasi bilan olib borgan muzokaralari vaqtida aytib o‘tgan.
Suriyaning SANA davlat agentligi axborotiga ko‘ra, tomonlar Suriya hukumati bilan kelishmagan holda har qanday yordam ko‘rsatishga urinish xavfsiz bo‘lmagan, noqonuniy va mamlakat suverenitetini buzadigan holat ekanini tasdiqlagan.
Avvalroq AQSh prezidenti Donald Tramp qochoqlar muammosini hal qilish uchun Suriya hududida xavfsizlik zonalarini tashkil etish niyati borligini bildirgan edi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)