Сурия ўз ҳудудида ташкил этилиши кутилаётган хавфсизлик зоналари мамлакат раҳбарияти билан келишилиши лозимлигини талаб қилди

Сурия ҳукуматининг маълум қилишича, қочоқлар ва ўз уйларини ташлаб чиқишга мажбур бўлган одамлар учун мамлакат ҳудудида расмий Дамашқ билан келишмаган ҳолда хавфсизлик зоналарини ташкил этишга ҳар қандай уриниш Сурия суверенитетининг бузилиши ҳисобланади.

Бу ҳақда, «Газета.ru»нинг хабар беришича, Сурия ташқи ишлар вазири Волид ал-Муаллим БМТнинг қочоқлар иши бўйича олий комиссари Филиппо Гранди ва унинг делегацияси билан олиб борган музокаралари вақтида айтиб ўтган.

Суриянинг SANA давлат агентлиги ахборотига кўра, томонлар Сурия ҳукумати билан келишмаган ҳолда ҳар қандай ёрдам кўрсатишга уриниш хавфсиз бўлмаган, ноқонуний ва мамлакат суверенитетини бузадиган ҳолат эканини тасдиқлаган.

Аввалроқ АҚШ президенти Дональд Трамп қочоқлар муаммосини ҳал қилиш учун Сурия ҳудудида хавфсизлик зоналарини ташкил этиш нияти борлигини билдирган эди.

Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.