Starbucks’ning bosh ijrochi direktori Govard Shults kompaniya kelgusi besh yil ichida 75 ta mamlakatda, taxminan, 10 ming qochoqni ishga olishni rejalashtirayotgani haqida bayonot berdi, deb xabar bermoqda TJournal.
Ishbilarmon bu haqda o‘zining hamkorlariga yo‘llagan ochiq xatida e’lon qildi. U xatni Donald Tramp yetti mamlakat fuqarolariga AQShga kirishni taqiqlash haqidagi qarorni imzolaganidan so‘ng jo‘natdi.
Shults kompaniya bu qiyin davrni yengib o‘tishda xodimlarga yordam berish uchun barcha imkoniyatlarni yaratishga harakat qilayotganini ta’kidladi.
Men bu imkoniyatdan foydalanib butun dunyodagi hamkorlarimizning ishonchini mustahkamlash uchun amalga oshiriladigan aniq maqsadlarimizni bayon qilmoqchiman. Shuningdek, yangi hukumatning kun sayin o‘sib borayotgan noaniq harakatlari oldida jim qarab turmaymiz.Xatda kompaniya tomonidan xodimlarni qo‘llab-quvvatlash va kelgusi xodimlar uchun qulay sharoitlarni yaratish maqsadida amalga oshiriladigan chora-tadbirlar sanab o‘tilgan. Shultsning ta’kidlashicha, u 75 ta mamlakatda, birinchi navbatda AQShda, besh mingta qochoqni ishga joylashtirishga e’tibor qaratishni maqsad qilib qo‘ygan.Govard Shults, Starbucks kompaniyasi bosh ijrochi direktori
Shuningdek, Shults Meksikada, “devor emas, ko‘prik qurgan holda” biznesni rivojlantirishga, Obama prezidentligi vaqtida paydo bo‘lgan, qochoqlarga ish topish va tibbiy sug‘urta olish ishlarida yordam berishga va’da berdi.
Diqqat, diqqat! “Daryo”ning Telegram’dagi rasmiy kanali — “Toshqin ‘Daryo’” (@toshqindaryo)ga obuna bo‘lib, yangiliklardan ovozli ko‘rinishda bahramand bo‘lishingiz mumkin.
Izoh (0)