Xitoyda oxirgi ikki hafta mobaynida kuzatilayotgan davomli jala oqibatida kamida 61 kishi halok bo‘ldi, 14 kishi bedarak yo‘qolgan deb e’lon qilindi. Bu haqda 3-iyul, yakshanba kuni “Sinxua” ma’lum qildi, deya xabar beradi “TASS”.
Xubey provinsiyasida (Markaziy Xitoy) 34 kishi halok bo‘ldi, 11 kishi bedarak yo‘qoldi. Anxoy provinsiyasida 27 kishi ofat qurboni bo‘ldi, uch kishi daraksiz yo‘qoldi. Rasmiylar jala va toshqinlarda jabrlanganlar uchun uch mingta chodir, ko‘rpa va boshqa zarur buyumlarni ajratdi.
Yog‘ingarchilikdan eng ko‘p aziyat chekkan mazkur ikki provinsiyada ofat jami 17 million kishini qamrab oldi, ulardan 974 ming nafari evakuatsiya qilindi. 400 mingdan ortiq bino vayron bo‘ldi, 1,4 million gektar dala maydoni suv ostida qoldi.
Izoh (0)