Fransiya sobiq prezidenti Nikolya Sarkozi prezidentlik saylovlarida yana ishtirok etishni rejalashtirayotganini tasdiqladi va o‘z nomzodini ilgari surishga tayyorlanish uchun konservativ partiya rahbari lavozimini tark etayotganini e’lon qildi, deb yozadi “Interfaks”.
Sarkozi 2-iyul kuni ushbu qarori haqida partiyadoshlariga ma’lum qildi. Qonun bo‘yicha, u lavozimni nomzodlardan ariza qabul qilish muddati tugashidan kamida ikki hafta oldinroq tark etishi kerak.
Noyabrda bo‘lib o‘tadigan partiya ichidagi praymerizda Sarkozi 13 nafar raqibi bilan kurash olib boradi. Uning asosiy raqibi esa sobiq bosh vazir Alen Jyuppe bo‘ladi.
Konservatorlar orasidagi praymeriz g‘olibi prezidentlik lavozimi uchun “Milliy front”dan Marin Le Pen va sotsialistlardan da’vogar (akspertlar fikricha, u Olland bo‘ladi) bilan kurash olib boradi.
Izoh (0)