Dakkadagi teraktga aloqador barcha shaxslar Bangladeshdagi badavlat oilalarning 23—28 yoshdagi vakilllaridir. Bu haqda mamlakat milliy politsiyasi rahbari Shahid ul-Hokiy ma’lum qildi, deya xabar beradi “TASS”.
Oldinroq Bangladesh ichki ishlar vaziri Asaduzzamon Xon ham bu haqda ma’lum qilgandi.
“Ularning barchasi talaba bo‘lgan va jinoyat joyida bir-biri bilan bengal hamda ingliz tillarida gaplashgan. Terrorchilarning tarmoqqa joylashtirilgan fotolarini yaqinlari tanidi. Hujum qilganlar garovdagilarning diniy mansubligini tekshirgan, ularning talabiga javob bermaganlarni qiynagan va o‘ldirgan”, — ta’kidladi politsiya rahbari.
Mamlakat bosh vazirining siyosiy maslahatchisi Husayn Tavfiqqa ko‘ra, garovdagilarning o‘ldirilishi uslubi hujumda mahalliy “Jamoat ul-Mujohiddin” guruhi ishtirokiga ishora qiladi. Qo‘lga olingan yagona terrorchi bu haqdagi muhim ma’lumotga ega ekanligi bildirilmoqda.
Izoh (0)