Rossiyadagi “Okean” bolalar markazi 2017-yildan boshlab Shanxay hamkorlik tashkilotiga a’zo davlatlardan kelgan bolalarni ham qabul qiladi. Bu haqda markaz bosh direktori o‘rinbosari Gerald Ribkin ma’lum qildi, deb xabar beradi “TASS”.
“Bu yil mavsum 15-iyuldan boshlanadi. Rossiyaning 58 mintaqasi, shuningdek, BRIKS mamlakatlari, Vyetnam, Laos va Janubiy Koreyadan 1,5 ming bolani kutyapmiz. Kelgusi yilda esa ShHT davlatlari vakillarini ham jalb etamiz. Chet ellik mehmonlarning kelishiga astoydil tayyorgarlik ko‘riladi. Jumladan, taomnomalar ularning milliy taomlarini inobatga olgan holda tuziladi”, — dedi Ribkin.
Ma’lumot uchun, Ussuriysk bo‘g‘ozi qirg‘og‘ida joylashgan “Okean” Butunrossiya bolalar markazi 1983-yildan beri faoliyat yuritib keladi. Yil davomida unda 16,5 ming maktab o‘quvchisi dam oladi.
Izoh (0)