Moskva viloyatidagi Klyazminsk suv omboriga 32 yoshli qiz o‘z to‘yi chog‘ida cho‘kib ketdi, deb yozadi “Gazeta.ru” Podmoskovye huquq-tartibot organlaridagi manbasiga tayanib.
Guvohlar so‘zlariga ko‘ra, 2-iyul kuni kechqurun 20—25 kishidan iborat ulfatlar guruhi to‘yning ikkinchi kunini nishonlash uchun kelgan.
Bayram qilish chog‘ida yoshlar sarxush holda bir qirg‘oqdan ikkinchisiga suzib o‘tishga qaror qilgan. Qirg‘oqqa bir necha metr qolganida kelin cho‘ka boshlagan, u bilan yonma-yon suzayotgan dugonasi qizni qutqarib qola olmagan.
Ta’kidlanishicha, kelinni qidirib topa olmagach, yoshlar favqulodda vaziyatlar vazirligini chaqirgan.
3-iyul kuni ertalab g‘avvoslar qizning jasadini topib chiqardi. Qutqaruvchilar ushbu plyajda cho‘milish taqiqlanganini ta’kidladi.
Izoh (0)