KXDR yetakchisi Kim Chen In suv osti kemalari ballistik raketasi muvaffaqiyatli tarzda sinovdan o‘tganini ma’lum qilib, Pxenyan istagan paytida Seul va AQShga zarba berishi mumkinligini ta’kidladi. Bu haqda Shimoliy Koreya OAVlariga tayanib, AFP xabar berdi, deb yozadi “Vedomosti”.
Koreya Markaziy telegraf agentligi (KMTA) yozishicha, Kim Chen In sinovlarni shaxsan o‘zi kuzatgan. Endi KXDR “o‘zi istagan paytida qo‘g‘irchoqqa aylanib qolgan Janubiy Koreya kuchlari va amerikalik imperialistlar boshiga zarba berishi mumkin”, — deya Shimoliy Koreya yetakchisi so‘zlaridan iqtibos keltiradi KMTA.
Avvalroq Koreya Respublikasi mudofaa vazirligi Pxenyan tomonidan suv osti kemalari ballistik raketasi sinovi o‘tkazilganini taxmin qilib, uni muvaffaqiyatsiz deb baholagan edi. Ularning ma’lumotlariga ko‘ra, Yapon dengizidagi suv osti kemasidan uchirilgan raketa taxminan 30 km masogafa uchgan.
Izoh (0)