КХДР етакчиси Ким Чен Ин сув ости кемалари баллистик ракетаси муваффақиятли тарзда синовдан ўтганини маълум қилиб, Пхеньян истаган пайтида Сеул ва АҚШга зарба бериши мумкинлигини таъкидлади. Бу ҳақда Шимолий Корея ОАВларига таяниб, AFP хабар берди, деб ёзади «Ведомости».
Корея Марказий телеграф агентлиги (КМТА) ёзишича, Ким Чен Ин синовларни шахсан ўзи кузатган. Энди КХДР «ўзи истаган пайтида қўғирчоққа айланиб қолган Жанубий Корея кучлари ва америкалик империалистлар бошига зарба бериши мумкин», — дея Шимолий Корея етакчиси сўзларидан иқтибос келтиради КМТА.
Аввалроқ Корея Республикаси мудофаа вазирлиги Пхеньян томонидан сув ости кемалари баллистик ракетаси синови ўтказилганини тахмин қилиб, уни муваффақиятсиз деб баҳолаган эди. Уларнинг маълумотларига кўра, Япон денгизидаги сув ости кемасидан учирилган ракета тахминан 30 км масогафа учган.
Изоҳ (0)