Turkiya prezidenti Toyyib Erdo‘g‘on 1915-yilda Usmonlilar imperiyasi hududida halok bo‘lgan armanlarning qarindoshlariga hamdardlik izhor etdi, deya xabar bermoqda “Gazeta.ru” Anadolu agentligiga tayanib.
Erdo‘g‘onning maktubini Istanbulda Armanlar apostol cherkovining Konstantinopol patriarxi o‘rinbosari arxiyepiskop Aram Ateshyan o‘qib eshittirdi.
Prezident maktubida aytilishicha, Turkiya Usmonlilar imperiyasidagi armanlar qayg‘usini bo‘lishib, ularning xotirasini qadrlaydigan mamlakatdir.
24-aprelda dunyoda Usmonlilar imperiyasidagi armanlar genotsidi qurbonlari xotirasi qadrlanadigan kun nishonlanadi. Turkiyaning o‘zi genotsid faktini rad etadi.
Eslatib o‘tamiz, AQSh prezidenti Barak Obama 1915-yilda Usmon imperiyasi tomonidan armanlarning ommaviy qirg‘in qilinishi haqidagi bayonotida ushbu fojiani genotsid deb atashdan bosh tortgan edi.
Izoh (0)