Taksi buyurtma qilish bo‘yicha Uber xizmati Kaliforniya va Massachusets shtatlarida haydovchilar bilan kelishuvga erishdi, unga ko‘ra, kompaniya kollektiv da’voni qaytarib olishi evaziga ularga 100 million dollargacha to‘laydi. Bu haqda Uber blogiga tayanib, “Interfaks” xabar bermoqda.
Servis haydovchilarga 84 million dollarni zudlik bilan jo‘natadi, kompaniya IPO (birjada dastlabki taklif qilingan narx)ni amalga oshirsa va yil davomida uning kapitalizatsiyasi moliyalashtirishning so‘nggi raundi doirasida unga berilgan bahodan 1,5 marta oshsa, yana 16 million dollarni taqdim etadi. O‘shanda kompaniya 62,5 milliard dollarga baholangan edi.
Da’vo ularni mustaqil pudratchi emas, bevosita kompaniya xodimlari deb tan olishni talab qilgan haydovchilarning maqomi bilan bog‘liq edi. AQShda jami 450 mingga yaqin avtomobil egalari Uber bilan hamkorlik qiladi.
Izoh (0)