Rossiya Federal xavfsizlik xizmati (FXX) xodimlari tomonidan Sankt-Peterburgdagi Pulkovo aeroportida kontrabanda yo‘li bilan keltirilgan katta miqdordagi iPhone 6S va Lenovo A560 smartfonlari aniqlandi. Pekindan yuborilgan 20 tonnalik yuk shahardagi “Palmira” MChJga atalgan, biroq elektronika sotuvchilari bunday firmani bilmasliklarini ma’lum qilgan, deya xabar beradi “RBK”.
“Svyaznoy” tarmog‘i vakili Mariya Zaikinaning fikricha, qo‘lga olingan partiya Sankt-Peterburdagi yangi yil oldi sotuvlarining uchdan bir qismi yoki mamlakat bo‘yicha sotuvlarning 2—3 foizini, ularning narxi esa 2 milliard rublni tashkil etishi mumkin edi.
Lenovo Rossiyadagi vakolatxonasi bosh direktori Gleb Mishin A560 modeli mamlakatga rasman keltirilmagani, kontrabanda smartfonlarning bozorda paydo bo‘lishi esa kompaniya uchun sezilarli zarba bo‘lishini ta’kidladi.
Izoh (0)