Rossiyaning Primorye o‘lkasidagi safari bog‘ida yo‘lbars Amur bilan do‘stlashib qolgan echki Timurga umumiy volyerda yo‘lbarsnikiga yondosh bo‘lgan yotoq joyi qurishga qaror qilishdi, chunki ular bir-biridan alohida uxlamoqchi emas. Bu haqda “Interfaks” xabar berdi.
“Umumiy volyerda Timur uchun shiypon yasab, qalin to‘shama to‘shadik. U yer shamolli emas, shuning uchun sovqotmaydi. Timur yo‘lbarsning yonida o‘zini tinchroq his qilyapti. U ketma-ket bir necha kundan buyon Amurning yonida tunayapti, o‘zining alohida volyeriga borib yotishni istamayapti”, — dedi safari bog‘i direktori.
U jonivorlarning har ikkisi ham bir-biriga avvalgidek do‘stona munosabatda ekanligini ta’kidladi.
Eslatib o‘tamiz, yo‘lbars Amur va echki Timur 26-noyabr, payshanba kuni mashhur bo‘lib ketdi. Ma’lum bo‘lishicha, yo‘lbars unga ozuqa sifatida berilgan echkini, echki yo‘lbarsdan qo‘rqmagani sabab, tanovul qilishdan bosh tortgan.
Ular alohida boshpanaga joylashtirilgandan so‘ng esa yo‘lbars Amur o‘kira boshlagan.
Izoh (0)