Iroq hududida Amerika maxsus topshiriqli bo‘linmalarining bo‘lishi mamlakatga qarshi tajovuz deb baholanadi. Bu haqda Iroq bosh vaziri Haydar al Obodiy ma’lum qildi, deb yozadi “Segodnya.ua”.
“Biz yana bir marta qat’iyan ta’kidlaymizki, Iroq o‘z hududiga boshqa mamlakatlarning quruqlikdagi qo‘shinlari kirishini istamaydi, shunday ekan, ularni yubormaslikni so‘raymiz. Bunday qo‘shinlarning jo‘natilishini tajovuzkorlik harakati deya baholaymiz”, — dedi u.
Nashr eslatishicha, avvalroq AQSh IShIDga qarshi kurashda ko‘mak berish uchun Iroq hududiga yuzga yaqin Amerika maxsus topshiriqli bo‘linmalari jangchilarini joylashtirish qarori haqida e’lon qilgan edi.
Izoh (0)