Turkiya Suriya bilan chegaraning IShID nazorat qilayotgan qismini yopishdan bosh tortdi. Ayni paytda chegaraning 98 kilometri jangarilar nazorati ostida va Turkiya ularni imkon qadar mustahkamlashga harakat qilmoqda. Bu haqda The Hurriyet Daily News manbalariga tayanib, “Segodnya.ua” xabar berdi.
Turkiya bosh vaziri Ahmet Davuto‘g‘lining bildirishicha, chegarani yopish uchun mamlakat 30 mingdan ziyod askar ajratishi va har uch metrda qorovul minoralari o‘rnatishi lozim. Turkiya budjeti bunday xarajatlarni ko‘tarolmaydi. Undan tashqari, chegarani ommaviy ravishda kesib o‘tayotgan qochoqlarni qabul qilishda muammo tug‘iladi. Turk rasmiylari IShID bu choralarni tajovuzkorona harakat sifatida baholashi va qarshi choralar qo‘llashidan ham xavfsiramoqda.
Eslatib o‘tamiz, oldinroq AQSh Turkiyadan Suriya bilan chegarani yopish va harbiy kontingent joylashtirishni talab qilgani haqida xabar berilgan edi.
Izoh (0)