Россиянинг Приморье ўлкасидаги сафари боғида йўлбарс Амур билан дўстлашиб қолган эчки Тимурга умумий вольерда йўлбарсникига ёндош бўлган ётоқ жойи қуришга қарор қилишди, чунки улар бир-биридан алоҳида ухламоқчи эмас. Бу ҳақда «Интерфакс» хабар берди.
«Умумий вольерда Тимур учун шийпон ясаб, қалин тўшама тўшадик. У ер шамолли эмас, шунинг учун совқотмайди. Тимур йўлбарснинг ёнида ўзини тинчроқ ҳис қиляпти. У кетма-кет бир неча кундан буён Амурнинг ёнида тунаяпти, ўзининг алоҳида вольерига бориб ётишни истамаяпти», — деди сафари боғи директори.
У жониворларнинг ҳар иккиси ҳам бир-бирига аввалгидек дўстона муносабатда эканлигини таъкидлади.
Эслатиб ўтамиз, йўлбарс Амур ва эчки Тимур 26 ноябрь, пайшанба куни машҳур бўлиб кетди. Маълум бўлишича, йўлбарс унга озуқа сифатида берилган эчкини, эчки йўлбарсдан қўрқмагани сабаб, тановул қилишдан бош тортган.
Улар алоҳида бошпанага жойлаштирилгандан сўнг эса йўлбарс Амур ўкира бошлаган.
Изоҳ (0)