Afg‘oniston va Pokiston chegarasi yaqinida yuz bergan zilzila oqibatida kamida 70 kishi halok bo‘ldi. Bu haqda “Gazeta.ru” xabar bermoqda.
Reuters xabariga ko‘ra, zilzila epitsenti joylashgan Afg‘onistonda 17 kishi halok bo‘lgani aytilmoqda. Kamida 55 kishi tan jarohati olgan. Qayd etishlaricha, qurbonlar soni yanada oshishi mumkin.
Xabarlarga ko‘ra, halok bo‘lganlarning 12 nafari mahalliy maktablardan birida ta’lim oluvchi o‘quvchi qizlardir — zilziladan so‘ng maktabda tiqilinch yuzaga kelgan.
DAWN xabariga ko‘ra, Pokiston shimolida kamida 52 kishi halok bo‘lgan. Halok bo‘lganlarning deyarli barchasi tomi va devorlari yer silkinishi oqibatida qulagan binolarning ichida bo‘lgan.
“Toshkent” markaziy seysmomarkazi xabariga ko‘ra, epitsentrda zilzila magnitudasi 7,5 ballga teng bo‘lgan. 40 daqiqadan so‘ng 4,8 balli aftershok kuzatilgan, yana aftershoklar yuz berishi ehtimoli bor.
Izoh (0)