YeIga intilayotgan noqonuniy muhojirlarning aksariyati yosh, sog‘lom va moddiy ta’minlangan erkaklardan iborat va achinishga loyiq emas. Ular o‘zlari o‘rnashib qolishni istagan davlatlar fuqarolarida hamdardlik uyg‘otish uchun farzandlari hayotini xavf ostiga qo‘ymoqda. Bu haqda Chexiya prezidenti Milosh Zeman Praganing “Blesk” gazetasiga bergan intervyusida ma’lum qilgan, deya xabar beradi “TASS”.
“Farzandlari ular uchun tirik qalqon vazifasini o‘tamoqda. Bolalar rahm-shafqat hissini uyg‘otadi, ular ortiga berkingan ‘Ayfon’ tutgan erkaklar esa bu tuyg‘ulardan foydalanmoqchi. Ular qashshoq kishilar emas, chunki cho‘ntaklarida ming yevro yoki ming dollar turgan bo‘ladi”, — deya ta’kidlagan Zeman.
Chexiya prezidentining fikricha, noqonuniy muhojirlarning ko‘pchiligi Suriyadagi fojiadan foydalanmoqda: ba’zan hatto arabcha gaplashishni bilmaganlar ham o‘zlarini suriyalik sifatida ko‘rsatadi. U yuzaga kelgan vaziyat uchun mas’uliyatni Germaniya kansleri Angela Merkelga yukladi. “Kansler qochoqlarni taklif etgan, ammo bu soxta insonparvarlik”, — deya izoh bergan Zeman.
Izoh (0)