O‘tgan haftada Luganskka gumanitar yordam yetkazib bergan Rossiya yuk mashinalari dushanba kuni dam olish uchun Rostov viloyatida to‘xtab o‘tgach, Podmoskovyega qarab yo‘l oldi, deya xabar berdi Euronews.
Qurolli nizolar bo‘lib o‘tayotgan tumanlar aholisiga ikki ming tonnaga yaqin yuk — oziq-ovqat, suv, bolalar ozuqasi va dori-darmonlar yetkazib berildi. Rossiya Ukrainaga yana bitta gumanitar kolonna yubormoqchi.
“Biz Ukraina tashqi ishlar vazirligiga navbatdagi gumanitar yordam konvoyini yuborish haqida xabardor qilish uchun rasmiy nota yubordik”, — dedi Rossiya TIV rahbari Sergey Lavrov.
Rasmiy Kiyev bunga qanday munosabat bildirgani noma’lum. Aytish kerakki, avvaldan bu haqda kelishilgan bo‘lsa-da, birinchi kolonna Ukraina hududiga mamlakat hukumati ruxsatisiz va Qizil Xoch xodimlari hamrohligisiz kirdi.
Izoh (0)