Ukraina prezidenti Pyotr Poroshenko yettinchi chaqiriq Ukraina Oliy Radasi vakolatini muddatidan avval to‘xtatish haqida buyruq chiqardi, deya xabar berdi “Segodnya”.
“Men yettinchi chaqiriq Oliy Rada vakolatlarini muddatidan avval tugatishga qaror qildim”, — deyiladi prezidentning rasmiy Tvitterida.
Nashrning eslatishicha, 24-iyul kuni Oliy Radada UDAR va “Svoboda” fraksiyalari koalitsiyadan chiqishini e’lon qildi, bu muddatidan avvalgi parlament saylovlari uchun yo‘l ochib berdi.
Konstitutsiyaga muvofiq, parlamentda yangi koalitsiya tuzish uchun deputatlarda 30 kun muddat bor edi. Ushbu muhlat 24-avgustga o‘tar kechasi tugadi.
Shu vaqtdan boshlab prezidentda Radani tarqatib yuborish va muddatidan avvalgi parlament saylovlarini belgilash uchun barcha asoslar paydo bo‘ldi. Prognozlarga ko‘ra, saylovlar 26-oktabrda bo‘lib o‘tishi mumkin.
Izoh (0)