Prezident qarori bilan Xurshid Sotiyev favqulodda vaziyatlar vaziri o‘rinbosari — Favqulodda vaziyatlar profilaktikasi departamenti boshlig‘i vazifasini bajaruvchi lavozimiga tayinlandi. Bu haqda FVV matbuot xizmati xabar berdi.
Tayinlovga qadar u FVV Shtab boshlig‘ining o‘rinbosari – qutqaruv kuchlarining xizmat va jangovar tayyorgarligini tashkil etish boshqarmasi boshlig‘i lavozimida faoliyat yuritgan.
Shuningdek, Nuriddin Kadirov Favqulodda vaziyatlar vazirining o‘rinbosari – Ma‘naviy-ma‘rifiy ishlar va kadrlar bilan ta‘minlash departamenti boshlig‘i v.b. lavozimiga tayinlandi.
U tayinlovga qadar Markaziy harbiy okrugi qo‘shinlari qo‘mondonining tarbiyaviy va mafkuraviy ishlar bo‘yicha o‘rinbosari lavozimida faoliyat yuritgan.
Avvalroq Botir Qudratxo‘jayev favqulodda vaziyatlar vaziri etib tayinlangani haqida xabar berilgandi. Keyinroq prezident farmoniga muvofiq, unga general-mayor harbiy unvoni berildi.
2022-yilning mart oyidan buyon Abdulla Qo‘ldoshev favqulodda vaziyatlar vaziri lavozimida faoliyat olib borayotgan edi.
Izoh (0)