Toshkent va Namangan viloyati tog‘li hududlarida 25—28-fevral kunlari qor ko‘chishi xavfi e’lon qilindi. “O‘zgidromet” axborotiga ko‘ra, ushbu sanalarda yog‘ingarchilik hamda havo haroratining o‘zgarishi kutilmoqda.
Shu sababli respublikaning tog‘li hududlarida, jumladan:
- Toshkent viloyati Bo‘stonliq, Ohangaron va Parkent tumanlari (Chotqol tizmasi tog‘lari);
- Namangan viloyati Pop tumanida qor ko‘chishi xavfi e’lon qilindi.
Tog‘li hududlarda istiqomat qiluvchi fuqarolar, dam oluvchilar hamda tog‘li hududlarda harakatlanuvchi haydovchilardan ehtiyotkorlik choralarini ko‘rish so‘raldi.
Yuqoridagi hududlarda 15—18-fevral kunlari ham qor ko‘chish xavfi e’lon qilingandi. 18-fevral kuni Qamchiq dovonida qor ko‘chkisi yuz berdi. Eski qor qoplamidan hajmi 154 metr kub bo‘lgan qor ko‘chkisi tushgan. Hosida oqibatida hech kim jabrlanmagan.
Prognozlarga ko‘ra, dam olish kunlari kuzatilgan bahoriy iliq ob-havodan so‘ng ushbu hafta davomida O‘zbekiston hududi bo‘yicha ob-havoning keskin o‘zgarishi kutilmoqda. Havo harorati pasayadi, yomg‘ir va qor yog‘ishi mumkin.
Izoh (0)