O‘zbekiston prezidentining tegishli qarori bilan favqulodda vaziyatlar vaziriga o‘rinbosarlar tayinlandi. Bu haqda vazirlik matbuot xizmati xabar berdi.
Polkovnik Sanjar Zufarov favqulodda vaziyatlar vazirining birinchi o‘rinbosari — Shtab boshlig‘i lavozimiga tayinlandi.
Sanjar Zufarov1975-yilda Toshkent shahrida tug‘ilgan. 1996-yilda IIV Yong‘indan saqlash oliy texnik maktabini tamomlagan. Tayinlovga qadar Favqulodda vaziyatlar vazirligi Bosh boshqarmasi boshlig‘i lavozimida ishlab kelgan.
Polkovnik Muxtor Muhitdinov favqulodda vaziyatlar vaziri o‘rinbosari lavozimiga tayinlandi.
Muxtor Muhitdinov 1973-yilda Toshkent shahrida tug‘ilgan. 1996-yilda Toshkent davlat texnika universitetini, 2004-yilda Strategik tahlil va istiqbolni belgilash oliy maktabini tamomlagan. Tayinlovga qadar Mahalla va nuroniylarni qo‘llab-quvvatlash vazirining o‘rinbosari lavozimida ishlab kelgan.
Polkovnik Xurshid Alibayev favqulodda vaziyatlar vaziri o‘rinbosari lavozimiga tayinlandi.
Xurshid Alibayev 1982-yilda Jizzax viloyatida tug‘ilgan. 2003-yilda O‘zbekiston Milliy universitetini, 2015-yilda Rossiya Federasiyasi Fuqaro muhofazasi akademiyasini tamomlagan. Tayinlovga qadar Toshkent viloyati Favqulodda vaziyatlar boshqarmasi boshlig‘i lavozimida ishlab kelgan.
Izoh (0)