Prezidentning tegishli qarori bilan polkovnik Muxtor Muhitdinov Toshkent shahar favqulodda vaziyatlar boshqarmasi boshlig‘i lavozimiga tayinlandi. Bu haqda FVV matbuot xizmati xabar berdi.
Shu munosabat bilan Muxtor Muhitdinov favqulodda vaziyatlar vazirining o‘rinbosari lavozimidan ozod etilgan. U 2023-yilning may oyida favqulodda vaziyatlar vaziri o‘rinbosari lavozimiga tayinlangan edi.
Muxtor Muhitdinov 2020-yilning noyabrida Toshkent shahar hokimining o‘rinbosari — shahar kanallardan foydalanish va ularga tutash hududlarni obodonlashtirish boshqarmasi boshlig‘i lavozimiga tayinlangan. U 1973-yilda Toshkent shahrida tug‘ilgan. 1996-yilda Toshkent davlat texnika universitetini, 2004-yilda O‘zbekiston strategik tahlil va istiqbolni belgilash oliy maktabini tamomlagan. Muxtor Muhitdinov poytaxt hokimi o‘rinbosari etib tayinlangunga qadar Toshkent shahar Favqulodda vaziyatlar boshqarmasi boshlig‘i sifatida ishlab kelgan.
Izoh (0)