Buxoro viloyat FVBga 27-dekabr kuni soat 17:10 larda Romitan tumani “Afrosiyob” MFY Shifokorlar ko‘chasidan oqib o‘tuvchi Xayrobod kanalida bir kishi cho‘kayotgani to‘g‘risida xabar tushgan. Bu haqda FVV matbuot xizmati xabar berdi.
Ma’lum qilinishicha, tuman Favqulodda vaziyatlar bo‘limi qutqaruvchilari aytilgan manzilga yetib borgunga qadar ushbu hududda xizmat olib borayotgan tuman FVB kichik inspektori oddiy askar B.Qobilov 16 yoshli qizni suvdan qutqarib olgan.
Shundan so‘ng tuman shoshilinch tez-tibbiy yordam bo‘limiga yetkazgan.
Hozirgi vaqtda fuqaroning ahvoli yaxshi, shifokorlar nazoratida.
Aprel boshlarida Toshkentning Chilonzor tumanidan oqib o‘tuvchi Bo‘rijar kanalida 3 kishi cho‘kib ketgani to‘g‘risida xabar berilgandi. Yanvar oyi o‘rtalarida esa Sirdaryoda o‘quvchilar bo‘lgan Gentra kanalga tushib ketishi oqibatida egizaklar suvda halok bo‘lgan edi.
Iyun oyida Toshkent viloyati Yuqori Chirchiq tumani hududidan oqib o‘tuvchi Qorasuv daryosi o‘rtasida qolib ketgan bola qutqarilgandi.
Izoh (0)