Favqulodda vaziyatlar vazirining tegishli buyrug‘i bilan podpolkovnik Ilhomjon Qo‘chqorov Farg‘ona viloyati Favqulodda vaziyatlar boshqarmasi boshlig‘i lavozimiga tayinlandi. Bu haqda FVV axborot xizmati xabar qildi.
Qayd etilishicha, tayinlov vazir, general-mayor Abdulla Qo‘ldoshev hamda viloyat hokimi Xayrullo Bozorov ishtirokida o‘tkazilgan yig‘ilishda e’lon qilingan.
Ilhomjon Qo‘chqorov 1981-yilda Farg‘ona tumanida tug‘ilgan. 2002-yilda Farg‘ona davlat universitetini, 2014-yilda Rossiya Federatsiyasi Fuqaro muhofazasi akademiyasini tamomlagan.
Tayinlovga qadar viloyat Favqulodda vaziyatlar boshqarmasi boshlig‘ining birinchi o‘rinbosari lavozimida ishlab kelayotgan edi.
Avvalroq DXX mas’uli Surxondaryo viloyati hokimiga yangi o‘rinbosar bo‘lgani, Qashqadaryo viloyati MTBga yangi rahbar tayinlangani, Farg‘onaning Uchko‘prik tumani hokimi Navoiy hokimiga o‘rinbosar bo‘lgani haqida xabar berilgandi.
Izoh (0)