Qobul Berdiyev FVV akademiyasi boshlig‘i lavozimidan ozod etildi

Toshkent shahar FVB boshlig‘i Ravshan Haydarov Favqulodda vaziyatlar vazirligi akademiyasi boshlig‘i lavozimiga tayinlandi.

Qayd etilishicha, shu munosabat bilan Qobul Berdiyev ushbu lavozimdan ozod etilgan.

General-mayor Ravshan Haydarov 2001—2002-yillarda favqulodda vaziyatlar vaziri, 2002-yilda Davlat bojxona qo‘mitasi raisi, 2002—2004-yillarda Sirdaryo viloyati hokimi bo‘lgan. U 2016—2021-yillarda Favqulodda vaziyatlar vazirligi fuqaro muhofazasi instituti boshlig‘i sifatida ishlagan. 2021-yil fevral oyida Toshkent shahar Favqulodda vaziyatlar boshqarmasi boshlig‘i etib tayinlangan edi. Shuningdek, Toshkent shahar IIBB va Toshkent viloyati IIB, FVV, Davlat soliq qo‘mitasi va Sirdaryo viloyatiga rahbarlik qilgan. Ikkinchi darajali “Shon-sharaf” ordeni bilan mukofotlangan.

Qobul Berdiyev 2017-yilning sentabr oyi boshlarida mudofaa vaziri lavozimini tark etgandi. U 2018-yilning bahorida Favqulodda vaziyatlar vazirligi akademiyasi boshlig‘i sifatida ish boshlagan.