• USD12904.51
    • RUB161.99
    • EUR14575.64
    Daryo.uz - Login
    O‘zbekiston

    Toshkentdagi ishlab chiqarish korxonasida yong‘in sodir bo‘ldi

    Toshkent shahrining Olmazor tumani, Usta Shirin berk ko‘chasida joylashgan ishlab chiqarish korxonalarining birida yong‘in sodir bo‘ldi. Bu haqdagi xabar poytaxt FVBga 13-fevral kuni soat 14:38 da kelib tushgan. 

    Yong‘in qutqaruv ekipajlari etilgan manzilga soat 14:42 da yetib borib, yong‘in soat 14:46 da qurshab olinib, 14:50 da o‘chirildi.

    Hodisa oqibatida tan jarohati olgan va vafot etgan fuqarolar yo‘q.

    Ayni vaqtda yong‘in sababi va moddiy zarari aniqlanmoqda.

    So‘nggi vaqtlarda sodir bo‘lgan yong‘inlar

    13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.

    Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.

    Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.

    20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.

    31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.

    #yong'in

    Javob qoldiring

    Mavzuga doir

    ×Lightbox Image