• USD12904.51
    • RUB161.99
    • EUR14575.64
    Daryo.uz - Login
    Ўзбекистон

    Тошкентдаги ишлаб чиқариш корхонасида ёнғин содир бўлди

    Тошкент шаҳрининг Олмазор тумани, Уста Ширин берк кўчасида жойлашган ишлаб чиқариш корхоналарининг бирида ёнғин содир бўлди. Бу ҳақдаги хабар пойтахт ФВБга 13 февраль куни соат 14:38 да келиб тушган. 

    Ёнғин қутқарув экипажлари этилган манзилга соат 14:42 да етиб бориб, ёнғин соат 14:46 да қуршаб олиниб, 14:50 да ўчирилди.

    Ҳодиса оқибатида тан жароҳати олган ва вафот этган фуқаролар йўқ.

    Айни вақтда ёнғин сабаби ва моддий зарари аниқланмоқда.

    Сўнгги вақтларда содир бўлган ёнғинлар

    13 октябрь куни Юнусободда янги қурилаётган бинонинг томи ёниб кетганди. 16 октябрда эса Миробод туманида жойлашган “Миран” меҳмонхонасининг қурилиши давом этаётган эски биносида ёнғин чиқди.

    Шунингдек, 20 октябрь куни соат 16:54 да Шайхонтоҳур туманидаги “Билдириш” тор кўчасида жойлашган хонадонларда ёнғин содир бўлди.

    Бундан ташқари, Олмазор тумани “Чинобод” МФЙ, Сағбон 30-берк кўчасида жойлашган 5-уйдаги хонадонларнинг бирида 31 октябрь куни соат 02:13 да ёнғин содир бўлди.

    20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.

    31 декабрь куни Чилонзор туманидаги овқат тайёрлаш жойида ёнғин содир бўлган эди.

    #ёнғин

    Жавоб қолдиринг

    Мавзуга доир

    ×Lightbox Image