Бош прокурорнинг буйруғига асосан адлия катта маслаҳатчиси Азамат Мирзаев Тошкент вилояти прокурори лавозимига тайинланди. Бу ҳақда Бош прокуратура матбуот хизмати хабар берди.
У тайинловга қадар Навоий вилояти прокурори лавозимида ишлаган.
Аввалроқ адлия катта маслаҳатчиси Касимов Дилмурод бош прокурор ўринбосари лавозимига тайинланганди.
Бундан аввал Пўлат Бобожонов президентнинг кадрлар сиёсати масалалари бўйича маслаҳатчисининг ўринбосари лавозимига тайинлангани ҳақида хабар берилганди. Генерал-лейтенант Пўлат Раззоқович Бобожонов 2017 йил сентябрдан буён Ўзбекистон Республикаси Ички ишлар вазири лавозимида ишлаб келаётган эди. Унинг ўрнини шу пайтга қадар Тошкент шаҳар ички ишлар бош бошқармаси бошлиғи лавозимида ишлаган Азиз Тошпўлатов эгаллади.
Изоҳ (0)