Бухоро вилоятининг Ғиждувон туманида 2,1 млрд сўмлик электр энергиясидан ноқонуний фойдаланган майнинг ферма аниқланди. Бу ҳақда Бош прокуратура матбуот хизмати хабар берди.
Фуқаро Ш.С.га қарашли нотурар бино кўздан кечирилганда, 22 дона Antminer L3+ русумли майнинг қурилмалар ёрдамида ноқонуний майнинг ферма ташкил қилингани фош этилди.
Шунингдек, бинони кўздан кечириш вақтида электр таъминотидан узилган ҳолатдаги 4 дона Whatspower P21 ва 28 дона носоз Antminer L3+ русумли майнинг қурилмалари ҳам аниқланиб, тегишли тартибда олиб қўйилган.
Мазкур ҳолат юзасидан терговга қадар текширув ҳаракатлари олиб борилмоқда.
Изоҳ (0)