• USD12880.35
    • RUB156.68
    • EUR14535.47
    Daryo.uz - Login
    Ўзбекистон

    Сирдарёда ёнаётган уйдан 3 нафар бола қутқариб қолинди (фото) 

    Сирдарё вилояти Ширин шаҳрида содир бўлган ёнғиндан 3 нафар вояга етмаган болалар қутқарилди. Бу ҳақда вилоят ФВБ хабар берди. 

    Фото: Сирдарё ФВБ

    Унда айтилишича, 17 февраль куни соат 14:30 да Ширин шаҳар “Амир Темур” МФЙ ҳудудида фуқаро М.Б.нинг яшаш хонадонида ёнғин содир бўлган. Воқеа жойига етиб борган ёнғин қутқарувчилар томонидан олов соат 14:37 да тўлиқ ўчирилган. 

    Ёнғинни бартараф этиш вақтида хонадон ичида бўлган 3 нафар бола қутқариб қолинган. Шу жойнинг ўзида болаларга биринчи тиббий ва психологик ёрдамлар кўрсатилган. 

    Фото: Сирдарё ФВБ

    Ҳодиса натижасида инсонларнинг тан жароҳати олиши ва ҳалок бўлиши ҳолатлари кузатилмаган. Ҳозирда ёнғиннинг сабаби ва моддий зарар миқдори аниқланмоқда.

    Фото: Сирдарё ФВБ

    Сўнгги вақтларда содир бўлган ёнғинлар

    13 октябрь куни Юнусободда янги қурилаётган бинонинг томи ёниб кетганди. 16 октябрда эса Миробод туманида жойлашган “Миран” меҳмонхонасининг қурилиши давом этаётган эски биносида ёнғин чиқди.

    Шунингдек, 20 октябрь куни соат 16:54 да Шайхонтоҳур туманидаги “Билдириш” тор кўчасида жойлашган хонадонларда ёнғин содир бўлди.

    Бундан ташқари, Олмазор тумани “Чинобод” МФЙ, Сағбон 30-берк кўчасида жойлашган 5-уйдаги хонадонларнинг бирида 31 октябрь куни соат 02:13 да ёнғин содир бўлди.

    20 ноябрь куни Тошкент шаҳар Мирзо Улуғбек тумани, “Лашкарбоши” МФЙ Ниёзбек йўли кўчасида жойлашган умумий овқатланиш жойининг дудбуронида ёнғин содир бўлди.

    31 декабрь куни Чилонзор туманидаги овқат тайёрлаш жойида ёнғин содир бўлган эди.

    #бола#қутқариб қолинди

    Жавоб қолдиринг

    Мавзуга доир

    ×Lightbox Image