Тошкент вилоятида ҳожатхонага тушиб кетган икки ёшли бола қутқариб қолинди, деб хабар беради Фавқулодда вазиятлар вазирлиги.
Қайд этилишича, 13 май куни соат 16:58 да Зангиота тумани “Ҳаракат” маҳалласида жойлашган уйларнинг бирида, ушбу уй эгасининг икки ёшли фарзанди эҳтиётсизлик ва назоратдан четда қолгани сабабли ҳовлисидаги ҳожатхонага тушиб кетгани тўғрисида ФВБга хабар тушган.
Зудлик билан айтилган манзилга қутқарувчилар етиб борган ва махсус қутқарув асбоб-анжомлари ёрдамида тахминан 5 метрлик ҳожатхона чуқуридан болани соғ-саломат олиб чиқиб, ҳаётини сақлаб қолган.
Эслатиб ўтамиз, 2023 йил апрель охирларида Сирдарё вилояти Сардоба туманида 27 апрель куни 3 киши ҳожатхонада заҳарланиб вафот этганди. Уй эгаси телефони чуқурга тушиб кетгани сабабли отаси ва укасини ёрдамга чақирган. Улар ҳожатхонага тушган вақтда номаълум этиологиялик заҳарланишдан вафот этган.
Изоҳ (0)