Самарқандда 15 ёшли бола канализацияга тушиб кетди

Самарқанд шаҳрида 15 ёшли бола чуқурлиги тахминан 12 метр бўлган ерости қувурига тушиб кетди. Бу ҳақда Фавқулодда вазиятлар вазирлиги хабар берди.

Қайд этилишича, 23 сентябрь куни соат 17:00 да Самарқанд вилояти ФВБга Абубакр Розий кўчасида жойлашган 12 метрли ерости қувури (канализация)га 15 ёшли бола ўзининг эҳтиётсизлиги оқибатида тушиб кетгани ва уни чиқариб олишда амалий ёрдам сўраб, мурожаат келиб тушган.

Қутқарувчилар зудлик билан айтилган манзилга етиб бориб, махсус қутқарув асбаоб-анжомлари ёрдамида болани қудуқдан соғ-саломат чиқариб олиб, биринчи тиббий ёрдам кўрсатган. Шундан сўнг малакали тиббий ёрдам кўрсатиш учун тез тиббий ёрдам орқали даволаш муассасасига юборилган. Ҳозирда бола шифокорлар назоратида.

Мавзуга доир: 

• Зангиотада қудуққа тушиб, ҳушини йўқотган фуқаро ҳаёти сақлаб қолинди
• Чироқчилик мактаб ўқувчиси вазир эътирофига сазовор бўлди. У 6 ёшли болани қудуқдан чиқариш ишида қатнашганди
• Самарқандда 8 метрли қудуқда ҳушини йўқотган эркак қутқариб олинди (видео)