Самарқанд туманида қудуқ қазиш вақтида ҳушини йўқотган эркак қутқарувчилар ёрдамида чиқариб олинди, деб хабар беради ФВВ матбуот хизмати.
Маълум қилинишича, 15 июнь куни соат 19:44 да Самарқанд вилояти ФВБга Самарқанд тумани «Навбоғчиён» МФЙ Узумзор кўчасида жойлашган хонадонларнинг бирида қудуқ қазиш ишларини олиб бориш вақтида 31 ёшли фуқаро 8 метр чуқурликда ҳаво етишмагани сабаб ҳушини йўқотгани тўғрисида хабар келиб тушган.
Қутқарувчилар зудлик билан айтилган манзилга етиб бориб, махсус қутқарув асбоб-анжомлари ёрдамида фуқарони қудуқдан соғ-саломат чиқариб олиб, биринчи тиббий ёрдам кўрсатган.
Аввалроқ Чироқчида артизан қудуққа тушиб кетган 6 ёшли бола бир кун ўтиб қутқарилганди. Воқеа жойига зудлик билан вилоят ФВБ қутқарувчилари ва тегишли хизматлар куч-воситалари етиб борган. Қутқариш ишларига ФВБ махсус техникалари, яъни экскаватор ва грейдер жалб этилган ва бола қудуқдан чиқариб олинган эди.
Мавзуга доир:
Изоҳ (0)