• USD12955.26
    • RUB126.44
    • EUR13327.08
    Mahalliy (O‘zb)

    Sirdaryoda yonayotgan uydan 3 nafar bola qutqarib qolindi (foto)

    Sirdaryo viloyati Shirin shahrida sodir bo‘lgan yong‘indan 3 nafar voyaga yetmagan bolalar qutqarildi. Bu haqda viloyat FVB xabar berdi. 

    Foto: Sirdaryo FVB

    Unda aytilishicha, 17-fevral kuni soat 14:30 da Shirin shahar “Amir Temur” MFY hududida fuqaro M.B.ning yashash xonadonida yong‘in sodir bo‘lgan. Voqea joyiga yetib borgan yong‘in qutqaruvchilar tomonidan olov soat 14:37 da to‘liq o‘chirilgan. 

    Yong‘inni bartaraf etish vaqtida xonadon ichida bo‘lgan 3 nafar bola qutqarib qolingan. Shu joyning o‘zida bolalarga birinchi tibbiy va psixologik yordamlar ko‘rsatilgan. 

    Foto: Sirdaryo FVB

    Hodisa natijasida insonlarning tan jarohati olishi va halok bo‘lishi holatlari kuzatilmagan. Hozirda yong‘inning sababi va moddiy zarar miqdori aniqlanmoqda.

    Foto: Sirdaryo FVB

    So‘nggi vaqtlarda sodir bo‘lgan yong‘inlar

    13-oktyabr kuni Yunusobodda yangi qurilayotgan binoning tomi yonib ketgandi. 16-oktyabrda esa Mirobod tumanida joylashgan “Miran” mehmonxonasining qurilishi davom etayotgan eski binosida yong‘in chiqdi.

    Shuningdek, 20-oktyabr kuni soat 16:54 da Shayxontohur tumanidagi “Bildirish” tor ko‘chasida joylashgan xonadonlarda yong‘in sodir bo‘ldi.

    Bundan tashqari, Olmazor tumani “Chinobod” MFY, Sag‘bon 30-berk ko‘chasida joylashgan 5-uydagi xonadonlarning birida 31-oktyabr kuni soat 02:13 da yong‘in sodir bo‘ldi.

    20-noyabr kuni Toshkent shahar Mirzo Ulug‘bek tumani, “Lashkarboshi” MFY Niyozbek yo‘li ko‘chasida joylashgan umumiy ovqatlanish joyining dudburonida yong‘in sodir bo‘ldi.

    31-dekabr kuni Chilonzor tumanidagi ovqat tayyorlash joyida yong‘in sodir bo‘lgan edi.

    #bola#qutqarib qolindi

    Mavzuga doir

    Javob qoldiring

    ×Lightbox Image