Ижтимоий тармоқларда 15 ёшли боланинг жиноятчиликни орзу қилиб гапирган гаплари акс этган видео тарқалиб, кўплаб муҳокамаларга сабаб бўлмоқда. ИИББ ҳолат юзасидан муносабат билдирди.
Маълум қилинишича, назоратсиз юрган ушбу бола шаҳар ИИББ вояга етмаганларга ижтимоий-ҳуқуқий ёрдам кўрсатиш марказига олиб келиниб, жойлаштирилган. Шахсига аниқлик киритилган. 2024 йилда ҳам бола ушбу марказга олиб келингани аниқланган.
Ўшанда ҳам кўчаларда назоратсиз юрган. Онаси билан алоқага чиқилганда, боласини олиб кетишга имкони йўқлигини билдирган.
Шунингдек, ушбу видеони ижтимоий тармоқларга жойлаган фуқаронинг шахси аниқланган. Маълум бўлишича, у видеога тушиб бериши учун болага 500 минг сўм пул ваъда қилган. Бола 2 ойдан бери ота-онасининг қаровисиз қолган ҳамда кўчада сотувчилик билан шуғулланиб юрган.
Ҳолат юзасидан унинг ота-онасига нисбатан БҲМнинг 25 баробари миқдорида жарима солиниши ёки 15 суткагача қамоқ жазоси тайинланиши мумкин.
Бундан аввал Фарғонада Damas’ни бошқарган вояга етмаган бола BYD билан тўқнашиб, вафот этгани хабар қилинганди.
Бундан аввал Фарғона вилоятида “Осмонда қора булут, Фарғона хавфли ҳудуд” дея видео олганлар барчадан узр сўраган эди. Улар ўз Instagram саҳифасида “Шоқоллар” сарлавҳаси остида зўравонликни тарғиб қилувчи шу каби видеоларни жойлаштирганди.
Шунингдек, Фарғонада ёш болалар севги ҳақида видеолар ишлагани ортидан уларнинг отаси барчадан узр сўраганди.
Изоҳ (0)