Тошкент вилояти Туябўғиз сув омборида чўмилаётиб чўкиб кетаётган 16 ёшли бола қутқариб қолинди. Бу ҳақда Фавқулодда вазиятлар вазирлиги хабар берди.
Маълум қилинишича, 3 июль куни соат 15:00 ларда Тошкент вилояти Фавқулодда вазиятлар бошқармасининг бир гуруҳ қутқарувчилари Туябўғиз сув омборида навбатчилик олиб бораётган пайтда, сув омбори қирғоғидан 150 метр узоқликда чўмилаётган 16 ёшли бола чўкиб кетаётганини пайқаб қолган.
Улар тезкорлик билан қутқарув ишларини амалга ошириб, саноқли сониялар ичида болани сув остидан олиб чиқиб ҳаётини сақлаб қолган.
Қайд этилишича, айни вақтда боланинг аҳволи яхши.
Эслатиб ўтамиз, Ўзбекистонда жорий мавсумда шу пайтга қадар 60 нафарга яқин фуқаро сув ҳавзаларида чўкиб ҳалок бўлган. Ўрганиш натижаларига кўра, уларнинг аксарияти рухсат этилмаган жойларда чўмилган. Айримлари эса ўз эҳтиётсизлиги натижасида сувга тушиб кетган.
Мавзуга доир: Шаҳар фаввораларида чўмилиш мумкинми?
Изоҳ (0)