Нью-Йоркнинг уч дерматологи Жюли Карен, Франческа Фуско ва Дебра Луфман Cosmopolitan нашри учун макияжни тозалашда энг кўп учрайдиган 8 та хато рўйхатини тузди.
Макияжни пахта ёстиғи билан тозалаш
«Мен бу узоқ муддатли одат эканлигини тушунаман, лекин аёлларга такрорлашдан ҳеч қачон чарчамайман: кўз атрофидаги кичик ажинлар, кўз қовоқлари терисининг хиралашиши — бу ишқаланиш туфайли. Аслида, бу қандай амалга оширилади? Пахтани бутунлай намлаш керак, у 5-7 сония давомида ёпиқ кўзга қўлланади. Кейин енгил ҳаракат билан юздан тональ креми ёки упа олиб ташланади. Сўнгра ювилади. Эриган туш ва тенларни осонгина тозалаш мумкин, натижада кўз қовоқларининг териси хавф остида қолмайди», — дейди доктор Карен.
Қовоқ тозалайдиган воситадан фойдаланмаслик
Кўп қизлар қовоқлари учун алоҳида тозалаш воситасидан фойдаланмайди, балки юз териси учун мўлжалланган макияж тозалаш маҳсулотини қўллайди, — деб шикоят қилади доктор Фуско. — Чунки, терининг қовоқ териси юзникига қараганда бир неча марта юпқароқ ва сезгир, унга алоҳида ғамхўрлик керак! Тенлар, ҳатто энг юқори сифатли бўлса ҳам, уни қуритади ва юзни тозалаш воситаларида қовоқларнинг терисини янада сувсизлантирадиган ингредиэнтлар бўлиши мумкин. Шунинг учун тавсия қиламанки, агар иккита маҳсулотни ишлатиш жуда қийин бўлса, аксинча эмас, балки юзнинг бутун терисига қовоқлар тозалаш воситасини қўллаган маъқул».
Пахта ёстиқчасини чапдан ўнгга ва орқага ишқалаш орқали тушни тозалаш
«Кирпикларни олдинга ва орқага ишқалаш. Кўпчилик тушни мана шундай тарзда тозалайди, — дейди доктор Луфман. — Шунинг учун кирпиклар синади ва тўкилади. Тўғри усул фақат илдиздан учларига қараб тозалашдир».
Макияжни тозалагандан кейин юзни ювмаслик
«Энг сифатли косметик воситалар ҳам тозалангач, тери юзасида қолдиқ қолдиради. Шунинг учун уни чайиш керак, — деб тавсия қилади доктор Луфман. — Чунки у намлантирувчи ёки бошқа кремларнинг сўрилишига ва ўз вазифасини бажаришига тўсқинлик қилади. Шунингдек, юзни оддий сув билан эмас, балки макияждан кейин тозаловчи махсус восита ёрдамида ювиш керак».
Битта пахта ёстиқчсидан фойдаланиш
«Кўпинча тежамкорлик ёки дангасалик туфайли қизлар иккита пахта ёстиқчасини олиб, ҳар бир кўзга биттадан ишлатади, терига яроқсиз томонини қайта суради, — дейди доктор Фуско. — Шунинг учун тери фақат азобланади ва тозалаш жараёнининг ярмигина самарали бўлади. Аксинча, макияжни тозалаш учун 4-5 дона пахта ёстиқчасини қўллаш юз терисида кейинчалик муаммо пайдо бўлишига йўл қўймайди».
Макияжни тўлиқ тозаламаслик
«Аксарият аёллар терига зарар етказишдан қўрқиб, воситани 1-2 марта қўллайди, шундан сўнг улар буни етарли деб ҳисоблашади, — деб тушунтиради доктор Карен. — Аслида, ҳар доим ҳам эмас: Қачонки пахта ёстиқчасида туш ёки тен излари бўлмаса, жараён тугалланган деб ҳисоблашни маслаҳат бераман».
Қошларни тозаламаслик
«Одатда қошлар учун мўлжалланган маҳсулотлар мум асосида ишлаб чиқарилади, — деб тушунтиради доктор Фуско, — агар улар тўлиқ олиб ташланмаса, тукларнинг илдизлари бўғилиб қолади, қошларнинг ўзи эса тўкилишни бошлайди. Кўзларни тозалаганда, қошларингизни ҳам унутманг!»
Пастки қовоққа пилинг ёки скраб қўллаш
«Кўпинча қизлар шу тарзда терини янгилаш ва ажинлар пайдо бўлишининг олдини олиш мумкин деб ўйлайди, аммо аслида бунинг акси ҳақиқатдир, — дейди доктор Карен. — Кўз қовоқларининг териси шунчалик нозикки, ҳар қандай механик ёки кимёвий таъсир унга путур етказади. Шуни ёдда тутиш керакки, кўз қовоқларининг териси фақат намланиши ва тозаланиши мумкин».
Мавзуга доир:
Изоҳ (0)