Ўзбекистон ҳудудида жиноят содир этган ва қидирувга берилган шахс Туркияда қўлга олинди. Бу ҳақда ИИВ матбуот хизмати хабар берди.
Маълумотларга кўра, 1981 йилда туғилган I.У. Жиноят кодексининг 135-моддаси 3-қисми (одам савдоси) бўйича Наманган вилояти ИИБ томонидан қидирувга берилган.
Тезкор маълумотлар асосида у Туркиянинг Истанбул шаҳрида яшириниб юрганлиги аниқланди.
Мазкур шахс 17 июнь куни Туркияда қўлга олиниб, белгиланган тартибда Ўзбекистонга экстрадиция қилинди.
Санкт-Петербургда 2021 йилда содир этилган қотиллик учун қидирувда бўлган Ўзбекистон фуқароси 28 май куни Салвадордан экстрадиция қилинганди. Ўзбекистонда 9 миллион долларни талон-торож қилишда айбланган шахс Россияда ушланиб, 15 майда Ўзбекистонга экстрадиция қилинганди. Шунингдек, Ўзбекистон Интерпол Миллий марказий бюроси халқаро қидирувда бўлган жиноятчи аёлни БААдан чиқариб юборганди.
Изоҳ (0)