Остонада Ўзбекистонда қотиллик учун қидирувда бўлган жиноятчи қўлга олинди, деб хабар бермоқда Tengrinews пойтахт полиция департаменти матбуот хизматига таяниб.
20—21-сентябр кунлари Қозоғистон пойтахти ҳудудида кенг кўламли Оператив-қидирув тадбирлари ўтказилди. Олиб борилган тезкор тадбирнинг биринчи кунида ички ишлар органлари ходимлари томонидан етти нафар жиноятчи аниқланиб, қўлга олинди, бедарак йўқолган икки фуқаронинг манзили аниқланди.
“Хусусан, пойтахт ИИБ ходимлари давлатлараро қидирувда бўлган 31 ёшли Ўзбекистон Республикаси фуқаросини аниқлади. У 2019 йилда Наманган вилоятида қотиллик содир этганидан кейин Қозоғистон ҳудудига келиб яширинган. Эркак Остона полиция департаментининг вақтинчалик ҳибсхонасига олиб кетилди”, — дейилади хабарда.
Айни пайтда Минск конвенция сига мувофиқ жиноятчини экстрадиция қилиш масаласи ҳал этилмоқда.
Аввалроқ Қозоғистоннинг Қарағанда вилоятида одам савдоси учун қидирувга берилган Ўзбекистон фуқароси қўлга олинганди.
Изоҳ (0)