Қозоғистоннинг Олмаота шаҳрида 41 ёшли Ўзбекистон фуқароси миграция хизмати ва шаҳар криминал полицияси ходимлари томонидан қўлга олинди. Бу ҳақда Қозоғистон ИИВ ахборот хизмати хабар берди.
“Қидирув – МДҲ” тезкор-профилактик тадбири давомида жиноятчилар аниқланди. 1982 йилда туғилган Ўзбекистон фуқароси 2008 йилда Сурхондарё вилояти ИИБ томонидан давлатлараро қидирувга берилган”, — дейди Олмаота шаҳар полиция департаменти миграция хизмати раҳбари Асхат Бутунчинов.
Қўлга олинган шахс вақтинчалик сақлаш ҳибсхонасига жойлаштирилган. Уни ватанига экстрадиция қилиш масаласи ҳал қилинмоқда.
Олмаотада жиноятчилик билан боғлиқ вазиятни барқарорлаштириш ва Қозоғистоннинг миграция қонунчилиги бузилиши ҳолатларини аниқлаш мақсадида 2023 йил 11-сентябрдан 30-сентябрга қадар Олмаота шаҳрида “Ёлланма” тадбирлари ўтказилмоқда.
Бундан олдин Қозоғистонда халқаро қидирувда бўлган уч нафар Ўзбекистон фуқароси қўлга олингани тўғрисида хабар берилганди. Ўтган ҳафта эса Остонада Ўзбекистонда қотиллик учун тўрт йилдан буён қидирувда бўлган жиноятчи қўлга олинган эди.
Изоҳ (0)