Бухорода жиноят содир этиб қочиб юрган ўзбекистонлик Россияда қўлга олинди. Бу ҳақда вилоят ИИБ хабар берди.
Маълум қилинишича, Қоровулбозор туманининг “Бўзачи” маҳалласида рўйхатда турувчи С.Ж. Жиноят кодексининг 169-моддаси 3-қисмида кўрсатилган жиноятни содир этиб, суддан яширингани сабабли, Жиноят ишлар бўйича Қоровулбозор тумани суди томонидан унга нисбатан қидирув эълон қилинган.
Бухоро вилоят ИИБ ходимлари томонидан олиб борилган тезкор-қидирув тадбири давомида Россия ҳудудида яширинган манзили аниқланиб, қўлга олинди ва Ўзбекистонга экстрадиция қилиниб, тергов ҳибсхонасига жойлаштирилди.
Қидирувдагилар
Сирдарё вилояти Янгиер шаҳрида 13 ёшли қизнинг жасади ўз уйидан қотиллик аломатлари билан топилган эди. Шундан кейин вилоят ИИБ уни ўлдиришда гумонланган эркакка нисбатан қидирув эълон қилди. Аввалроқ қизнинг онаси бу қотилликда ишқий муносабат билдириб юрган эркакдан гумон қилаётганини таъкидлаган эди. Айтишича, эркак оиласига бирор марта ёмон сўз гапирмаган, аёлга уни ёқтириб қолганини билдирган.
Шунингдек, Сирдарё вилояти Янгишер шаҳрида яшовчи, оғир жиноят содир этганликда гумонланаётган 50 ёшли эркак қидирилмоқда. Унинг топилишида кўмаклашган фуқаролар 30 млн сўм билан мукофотланади. Хабар берган фуқароларнинг шахсига оид маълумотлари сир сақланиши кафолатланади.
Изоҳ (0)